മേൽക്കൂര തകർന്നുവീണതോടെ പ്രദേശത്തുണ്ടായിരുന്ന പോലീസുകാരെത്തി മുഴുവൻ പേരെയും പുറത്തെത്തിച്ചു. പിന്നീട് ത്രിപുരവാസിനി പവിലിയനിലേക്ക്മാറ്റി. എന്നാൽ പവിലിയൻ തുറക്കാൻ താമസിച്ചതോടെ ഏറെനേരം പെരുമഴയത്ത് ഇവർക്ക് കാത്തുനിൽക്കേണ്ടിവന്നു. കടുത്ത ദുരിതമാണ് അനുഭവിച്ചുകൊണ്ടിരിക്കുന്നതെന്നും നാട്ടിലേക്ക് പോകുന്ന കാര്യത്തിൽ തീരുമാനമുണ്ടാക്കണമെന്നും തൊഴിലാളികൾ ആവശ്യപ്പെട്ടു. ദിവസങ്ങളായി മതിയായ സൗകര്യങ്ങളില്ലാത്ത ടെന്നീസ് പവിലിയനിയാണ് ഇവർ താമസിച്ചിരുന്നത്.
സർക്കാർ ഇടപെട്ട് നാട്ടിലെത്തിച്ചില്ലെങ്കിൽ നടന്നുപോകാനാണ് തീരുമാനമെന്നും ഇവർ അറിയിച്ചു. മതിയായ ഭക്ഷണമോ കുടിവെള്ളമോ കിട്ടുന്നില്ലെന്നും ഇവർക്ക് പരാതിയുണ്ട്.
